नवलपरासीमा धारिलो हतियार प्रहार गरी युवकको हत्या

नवलपुर न्युज

२०८१ श्रावण १४, सोमबार प्रकाशित (८ महिना अघि) ८५६ पाठक संख्या

नवलपरासी । पश्चिम नवलपरासीमा धारिलो हतियार प्रहार गरेर एक जना युवाको हत्या भएको छ। पाल्हिनन्दन गाउँपालिका ५, हर्दीका २० वर्षीय सूर्यकुमार बढईको हत्या भएको हो।

जिल्ला प्रहरी कार्यालयका डिएसपी रेशम बोहोराले सुतिरहेको अवस्थामा सूर्यकुमारको घाँटीमा धारिलो हतियार प्रहार भएको जानकारी दिए।

डिएसपी बोहोराका अनुसार सोही कोठामा उनका १६ वर्षीय भाइ पनि सुतेका थिए। तर उनले घटनाबारे थाहा नपाएको प्रहरीले जनाएको छ। शवलाई जिल्ला अस्पताल परासीमा राखिएको छ । घटनाको अनुसन्धान भइरहेको छ ।