नवलपुरमा अज्ञात महिलाको शव फेला

नवलपुर न्युज

२०८१ श्रावण १८, शुक्रबार प्रकाशित (३ महिना अघि) ६६३ पाठक संख्या

मध्यविन्दु — नवलपुरको देवचुली नगरपालिका १७ पिप्रहर पुजैलीस्थित नारायणी नदी किनारमा हाल नाम, थर, वतन नखुलेकी अन्दाजी ४० वर्षीया महिला बिहीबार मृत अवस्थामा फेला परेकी छिन्।

शवको पहिचान खुल्न नसकेको र घटनाको अनुसन्धान भइरहेको जिल्ला प्रहरी कार्यालय नवलपरासी ( बर्दघाट–सुस्तापूर्व ) ले जानकारी दिएको छ । स्थानीय बासिन्दाले शव देखेपछि प्रहरीलाई खबर गरेका थिए ।घटनास्थलमा प्रहरी टोली पुगेर थप अनुसन्धान अघि बढाएको छ।