नवलपुरमा दुई छुट्टाछुट्टै दुर्घटनामा ३ जना घाइते

नवलपुर न्युज

२०८१ श्रावण १८, शुक्रबार प्रकाशित (३ महिना अघि) ७३४ पाठक संख्या

कावासोती ।  गैडाकोट र विनयी त्रिवेणी गाउँपालिकामा आज दुई छुट्टाछुट्टै सवारी दुर्घटनामा ३ जना घाइते भएका छन्।

जिल्ला प्रहरी कार्यालय नवलपुरका अनुसार पहिलो दुर्घटना गैडाकोट नगरपालिका १४, अमरापुरीमा भएको हो, जहाँ गण्डकी प्रदेश खेलकुद परिषदको बीएए ०५२४ नम्बरको स्कारपियोले ना ५७ प ५६९४ नम्बरको मोटरसाइकललाई ठक्कर दिंदा मोटरसाइकल चालक सुमन पौडेल र उनकी श्रीमती दुर्गा नेपाल घाइते भएका छन्।

दोस्रो दुर्घटना विनयी त्रिवेणी गाउँपालिका २, दाउन्ने एस मोडमा भएको हो। लु २ ख ६४०२ नम्बरको ट्रकबाट उछिट्टिएको ढुंगाले लागेर लु ५६ प ६६१६ नम्बरको मोटरसाइकलमा सवार गुल्मी जिल्लाको इस्मा गाउँपालिका ४ निवासी सविना गुरु घाइते भएका छन्।

तीनै जनाको नयाँ मेडिकल कलेज, चितवनमा उपचार भइरहेको छ भने प्रहरीले स्कारपियो चालकलाई नियन्त्रणमा लिएको छ।