नवलपुरमा करेन्ट लागेर दुई जना घाइते

नवलपुर न्युज

२०८१ श्रावण ३०, बुधबार प्रकाशित (५ महिना अघि) ४५२ पाठक संख्या

कावासोती । नवलपुरको हुप्सेकोट गाउँपालिका २ मोडारामा २१ बर्षीय नुमीसरा सारु आफ्नै घरमा विजुली बत्ती बाल्ने क्रममा अचानक करेन्ट लागेर घाइते भएकी छिन्। उनलाई मध्यविन्दु जिल्ला अस्पताल डण्डामा सामान्य उपचार पश्चात थप उपचारका लागि भरतपुर लगिएको छ।

देवचुली । नवलपुरकै देवचुली नगरपालिका २ मा पूर्वपश्चिम राजमार्गको विजुलीको पोलमा वर्डलिङ्गको तार तान्ने क्रममा कास्कीको पोखरा महानगरपालिका १५ निवासी ४६ बर्षीय लालबहादुर विक करेन्ट लागेर घाइते भएका छन्। उनको चितवन मेडिकल कलेजमा उपचार भईरहेको छ। प्रहरीका अनुसार उनको हात र अनुहार जलेको छ।