सेहरी र धजाहाका ५६ घर जलमग्न

नवलपुर न्युज

२०८१ आश्विन १२, शनिबार प्रकाशित (१ महिना अघि) ३०२ पाठक संख्या

नारायण शर्मा

कावासोती — मध्यबिन्दु नगरपालिका–२ स्थित शेहरी र धजाहा गाँउका ५६ घर डुवानमा परेका छन् । नगरप्रमुख भिमलाल अधिकारीका अनुसार नारायणीको बाढी पसेर ५६ घर डुवानमा परेका हुन् ।

मेयर अधिकारीले शेहरी र नन्दपुर गाउँबाट उज्यालोमै उद्धार गरेर सुरक्षित स्थानमा स्तान्तरण गर्न आफ्नो टोली फिल्डमा खटिएको बताए।

नारायणी नदीमा आएको बाढीले तमासपुर क्षेत्रका ४ दर्जन घर डुवानमा परेको पुर्व सांसद तिलक महतले सुनाए । शशस्त्र प्रहरीले डुंगावाट तमासपुर क्षेत्रमा उद्धार गरिरहेको महतले बताए ।