कावासोतीमा मोटरसाइकल र स्कुटी ठोक्किँदा ३ जना घाइते

नवलपुर न्युज

२०८१ आश्विन १८, शुक्रबार प्रकाशित (१ महिना अघि) ५०६ पाठक संख्या

कावासोती । नवलपुरको कावासोतीमा गएराति मोटरसाइकल र स्कुटी एक आपसमा ठोक्किँदा तीन जना घाइते भएका छन्।

जिल्ला प्रहरी कार्यालय नवलपुरका अनुसार, बा.प्र. ०२–०४९ प २६६६ नम्बरको मोटरसाइकल र ना ३८ प ७९१६ नम्बरको स्कुटर पुरानो कावासोतीमा ठक्कर खाँदा ३ जना घाइते भएका हुन् ।

दुर्घटनामा परी मोटरसाइकल चालक बाँके खजुरा २ निवासी २७ वर्षीया सन्जु विक, स्कुटर चालक कावासोती १४ त्रिभुवनटार निवासी ४० वर्षीया राधा महतो र स्कुटी पछाडि सवार २९ वर्षीया जमुना थापा घाइते भएका छन्। उनीहरुको मध्यबिन्दु जिल्ला अस्पताल डण्डामा उपचार भइरहेको छ ।