मध्यविन्दु ८ चौरङ्गीमा मोटरसाइकल दुर्घटना, १ जनाको मृत्यु

नवलपुर न्युज

२०८१ आश्विन १८, शुक्रबार प्रकाशित (१ महिना अघि) १४९३ पाठक संख्या

चोरमारा । नवलपुरको मध्यविन्दु ८ चौरङ्गीमा भएको एक दर्दनाक दुर्घटनामा एक जनाको मृत्यु भएको छ ।

नारायणगढबाट बुटवल जाँदै गरेको लु ३४ प ३०७७ नम्बरको मोटरसाइकल पूर्वपश्चिम राजमार्ग निर्माणका लागि राखिएको ग्रेडरमा ठोक्किँदा यो दुर्घटना भएको हो।

दुर्घटनामा परी मोटरसाइकल चालक बुटवल उपमहानगरपालिका ११ देवीनगर निवासी २१ वर्षीय सागर क्षेत्रीको निधन भएको जिल्ला प्रहरी कार्यालय नवलपुरले जनाएको छ । मोटरसाइकलमा सवार बुटवल १३ बेलबास निवासी २१ वर्षीय राजन अधिकारी घाइते भएका छन्।

क्षेत्रीको उपचारको क्रममा मध्यविन्दु जिल्ला अस्पताल डण्डामा निधन भएको हो। ग्रेडरका चालक फरार रहेको र सहचालक र दुबै सवारी साधनलाई प्रहरीले नियन्त्रणमा लिएको जनाएको छ ।