नवलपुरमा गैँडासँग ठोक्किएका एकजनाको मृत्यु

नवलपुर न्युज

२०८१ आश्विन २५, शुक्रबार प्रकाशित (१ महिना अघि) २००९ पाठक संख्या

कावासोती । नवलपुरको कावासोतीमा गैडासँग मोटरसाइकल ठक्कर खाँदा २ जना गम्भीर घाइते भएका थिए जसमध्ये एकजनाको उपचारको क्रममा मृत्यु भएको छ।

नवलपुरको कावासोती ८ खरकट्टा जंगलमा गैडासँग मोटरसाइकल ठक्कर खाएर घाइते भएका थिए ।

ना.३३ प ४२४२ नम्बरको मोटरसाइकल बुधबार दिउँसो दुर्घटना हुँदा चालक दोलखा बैतेश्वर गाउँपालिका ४ घर भई काठमाडौं कागेश्वरी मनोहरा नगरपालिका ७ बस्ने ३५ वर्षीय कृष्ण दाहालको भरतपुर उपचारको क्रममा मृत्यु भएको हो।

दुर्घटनामा परी घाइते भएका मोटरसाइकल पछाडि सवार ३२ बर्षीय प्रदिप न्यौपानेको नयाँ मेडिकल कलेज भरतपुरमा उपचार भईरहेको छ ।