कावासोतीमा प्रहरीले १८ लाखको अवैध बदाम र केराउ बरामद

नवलपुर न्युज

२०८१ कार्तिक ६, मंगलबार प्रकाशित (१ महिना अघि) ३०० पाठक संख्या

कावासोती । नवलपुरमा प्रहरीले अवैध रूपमा भित्र्याइएका बदाम र केराउ बरामद गरेको छ ।

जिल्ला प्रहरी कार्यालय नवलपुरका अनुसार फलफुल चोकमा सवारी साधन चेकजाँच गर्दा पूर्व तर्फ आउँदै गरेको ट्रकमा राजश्व छलि गरी ल्याइँदै गरेको १६० बोरा केराउ र १५० बोरा बदाम बरामद गरिएको हो।

केराउको २५ केजी दरमा १६० बोरा र बदामको ४० केजी दरमा १५० बोरा समेटेर कुल मूल्य रु १८,४०,०००।– का बराबरको सामग्री बरामद भएको छ ।

प्रहरीले ट्रक सहित सामग्रीलाई आवश्यक कारबाहीको लागि राजश्व अनुसन्धान कार्यालय बुटवलमा पठाएको जानकारी दिएको छ ।