मध्यविन्दुमा एक युवक डुबेर बेपत्ता, साथी सुरक्षित

नवलपुर न्युज

२०८१ कार्तिक १०, शनिबार प्रकाशित (४ हफ्ता अघि) १३०४ पाठक संख्या

कोल्हुवा । नवलपुरको मध्यबिन्दु – २ बलघट्टा स्थित नारायणी नदीमा पौडी खेल्न क्रममा एक युवक बेपत्ता भएका छन्।

मध्यविन्दु – ४ मदनपुरका २१ वर्षीय सिद्धार्थ बस्नेत पौडी खेल्ने क्रममा आज साँझ करिव ६:०० बजेको समयमा नारायणी नदिमा बेपत्ता भएको जिल्ला प्रहरी कार्यालय नवलपुरका प्रहरी नायव उपरीक्षक जेसी शाहले
जानकारी दिनुभयो ।

नारायणी नदी किनारमा रमाईलो गर्न गएका तीन युवकमध्ये २ जना सुरक्षित छन् । सिद्धार्थसँगै २० वर्षका सुदिप महतो र २१ वर्षका आयुष भण्डारी पनि सँगै गएका थिए ।

घटनामा, सिद्धार्थको डुबेर बेपत्ता भएको कुरा पुष्टि भएको छ, जबकि सुदिप र आयुष सुरक्षित छन् । घटनाको जानकारी पाएपछि स्थानीय प्रशासन र प्रहरी टोलीले खोजी कार्यलाई तीव्रता दिएका छन् । खोजी कार्यमा स्थानीयवासी र प्रहरीको टोली जुटेका छन् ।