कावासोतीमा मोटरसाइकलले ठक्कर, २२ वर्षीय युवक गम्भीर घाइते

नवलपुर न्युज

२०८१ कार्तिक १८, आईतबार प्रकाशित (२ हफ्ता अघि) २४३९ पाठक संख्या

कावासोती । नवलपुरको कावासोतीमा दुर्घटना हुँदा एकजना युवक गम्भीर घाइते भएका छन्।

कावासोती नगरपालिका वडा नम्बर १ हात्तीखोर स्थित पोखरी तालदेखि विष्णुनगरतर्फ आउँदै गरेको बागमती प्रदेश ०६० प ७७ ६९ नम्बरको मोटरसाइकलले पैदल यात्री टेकबहादुर थापालाई ठक्कर दिएको छ । २२ वर्षीय टेकबहादुर, देवचुली नगरपालिका वडा नम्बर ९ विशालटारका निवासी हुन्।

घटनामा गम्भीर घाइते भएपछि उनलाई चितवनको भरतपुर अस्पतालमा उपचारका लागि लगिएको छ । प्रहरीले घटना सम्बन्धी थप अनुसन्धान गरिरहेको जनाएको छ।