नवलपुरको मध्यविन्दुमा जुवा खेलिरहेका ८ जना पक्राउ

नवलपुर न्युज

२०८१ कार्तिक १९, सोमबार प्रकाशित (२ हफ्ता अघि) ६१८ पाठक संख्या

चोरमारा – नवलपुरको मध्यविन्दु नगरपालिकाबाट प्रहरीले जुवा ( कौडा ) खेलिरहेका ८ जनालाई पक्राउ गरेको छ । भाइटिका दिन आइतबार मध्यविन्दु १५ मा जुवा खेलिरहेको भन्ने गोप्य सूचनाका आधारमा प्रहरीले अभियान चलाएको थियो ।

पक्राउ गरिएका व्यक्तिहरूसँग नगद २६ हजार ४०५ रुपैयाँ र १६ ओटा कौडा बरामद गरिएको जिल्ला प्रहरी कार्यालय नवलपुरले जनाएको छ । प्रहरीले यस घटनामा संलग्न व्यक्तिहरूलाई थप अनुसन्धानको लागि हिरासतमा लिएको जनाएको छ ।