कावासोतीमा सवारी दुर्घटना, तीन जना घाइते

नवलपुर न्युज

२०८१ मंसिर १६, आईतबार प्रकाशित (३ दिन अघि) ५९७ पाठक संख्या

कावासोती । नवलपुरको कावासोतीमा आज बिहान सवारी दुर्घटना भएको छ। जिल्ला प्रहरीबाट प्राप्त जानकारीअनुसार, बिहान ११ः४० बजे कावासोती स्थित सन्राईज बैंक नजिक पूर्व पश्चिम राजमार्गमा भएको दुर्घटनामा तीन जना घाइते भएका छन्।

प्रहरीको अनुसार, लु ५९ प ६८१ नम्बरको मोटरसाइकलले बाटो क्रस गर्न लागेको गण्डकी प्रदेश ०४–००१ प ३२१७ नम्बरको मोटरसाइकललाई ठक्कर दिएको हो। दुर्घटनामा घाइते हुनेमा गण्डकी प्रदेश ०४–००१ प ३२१७ नम्बरको मोटरसाइकल चालक पर्सा घर भइ हाल देवचुली ३ बस्ने २२ वर्षका अर्मान अन्सारी रहेका छन्। उनी टाउको र दाहिने खुट्टामा चोट लागेर भरतपुर अस्पताल पठाइएका छन्।

त्यस्तै, सोही मोटरसाइकलमा पछाडि सवार देवचुली ३ बस्ने ४ वर्षीया समृना पाठकको कालीगण्डकी अस्पताल कावासोतीमा उपचार भइरहेको छ।

लु ५९ प ६८१ नम्बरको मोटरसाइकल चालक कावासोती  १४ झोझाड बस्ने २० वर्षका बिवस थापा रहेका छन्। उनी पनि घाइते भई नयाँ मेडिकल कलेज भरतपुरमा उपचार भइरहेको प्रहरीले जानकारी दिएको छ । सवारी दुर्घटनामा तीन जना घाइते भएका छन् भने घटनाको थप अनुसन्धान प्रहरी गरिरहेको छ।