नवलपुरमा सवारी दुर्घटनामा २ जना घाइते

नवलपुर न्युज

२०८१ माघ १८, शुक्रबार प्रकाशित (६ घण्टा अघि) ३१७ पाठक संख्या

कावासोती । नवलपुरको कावासोती र हुप्सेकोटमा आज दुई वटा सवारी दुर्घटनामा २ जना घाइते भएका छन्।

जिल्ला प्रहरी कार्यालय नवलपुरका अनुसार, कावासोती २ स्थित विपी चोकमा मोटरसाइकलले साइकल यात्रिलाई ठक्कर दिएर ४१ वर्षीय मेहरमान मंवालालाई घाइते बनाएको हो। ग १७ प १२३० नम्बरको मोटरसाइकलले मंवालालाई ठक्कर दिइ, उहाँको टाउको र बायाँ खुट्टामा चोट लागेको छ। घाइतेको उपचार नवलपुर अस्पतालमा भइरहेको छ।

त्यसैगरी, आज साँझ ५ बजे नवलपुरको हुप्सेकोट गाउँपालिका वडा नं: ४ शंखदेवमा अटोबाट खस्दा ३३ वर्षीय गंगा बानिया घाइते भएका छन्। ग.प्र.०४–००१ ह.०५४८ नम्बरको अटोमा सवार बानिया घाइते भएपछि उनको अवस्था गम्भीर रहेको छ । उनलाई उपचारका लागि नयाँ मेडिकल कलेज, चितवन पठाइएको प्रहरीले जनाएको छ।