नवलपुरमा दुई सवारी दुर्घटनामा ४ जना घाइते

नवलपुर न्युज

२०८१ फागुन १, बिहिबार प्रकाशित (१ महिना अघि) ९३४ पाठक संख्या

कावासोती । नवलपुरको गैडाकोट र देवचुलीमा भएको सवारी दुर्घटनामा ४ जना घाइते भएका छन्।

गैडाकोट नगरपालिका ४, खानेपानी ट्यांकी नजिक १० वर्षीया जिविका पाण्डेलाई कारले ठक्कर दिएको हो। बा ६ च ७४५५ नम्बरको कारले साइकलमा सवार पाण्डेको छोरीलाई ठक्कर दिँदा बालिकाको टाउकोमा चोट लागेको छ। उनलाई चितवनको सेन्ट्रल हस्पिटलमा उपचार भइरहेको जिल्ला प्रहरी कार्यालयले जनाएको छ। प्रहरीले कार र चालकलाई नियन्त्रणमा लिएको छ।

त्यसैगरी, देवचुली १४ क्याम्पस चोकमा स्कुटीले साइकल यात्रीलाई ठक्कर दिँदा ३ जना घाइते भएका छन्।  ना ३४ प ३५१८ नम्बरको स्कुटरले कावासोतीका ५६ वर्षीय लिला बहादुर पन्जियार, १८ वर्षीय आयुष बोटे र २१ वर्षीय रोहीत बोटेलाई ठक्कर दिएको हो। घाइतेलाई अस्पतालमा उपचारका लागि पठाइएको छ।