देवचुलीमा खानेपानी संस्थाको निर्वाचन: ५४ जनाको उम्मेदवारी

नवलपुर न्युज

२०८१ चैत्र १९, बुधबार प्रकाशित (२ दिन अघि) १३४ पाठक संख्या

कावासोती । देवचुली नगरपालिकामा रहेको प्रगतिनगर खानेपानी तथा सरसफाइ उपभोक्ता संस्थाको नयाँ कार्यकालका लागि उम्मेदवारी दर्ता सम्पन्न भएको छ । संस्थाले मंगलबार सूचना प्रकाशन गर्दै मनोनयन दर्ता खुला गरेको थियो ।

निर्वाचन समितिका संयोजक जीवनलाल श्रेष्ठका अनुसार अध्यक्ष पदका लागि डिल्लीराम कडरिया, दुर्गादेवी विष्ट, इन्द्रमणि भुसाल र सुदीप न्यौपानेले उम्मेदवारी दिएका छन् । सचिव पदमा ढुण्डिराज काफ्ले, विष्णु प्रसाद न्यौपाने, रेशमराज दवाडी र रुद्र बहादुर मोक्तान प्रतिस्पर्धामा छन् । लेखा संयोजक पदका लागि बालकृष्ण काफ्ले, जीवन श्रेष्ठ, होम बहादुर बिक र डिल्ली राज पौडेलले उम्मेदवारी दिएका छन् ।

संस्थाको ब्लक सदस्यमा पनि विभिन्न उम्मेदवारी परेको छ । आगामी चैत ३० गते हुने निर्वाचनमा १४ वटा पदका लागि ५४ जनाले उम्मेदवारी दिएका छन् । कुल ४ हजार ९ सय ८८ मतदाता रहेको संस्थाको निर्वाचनमा नेपाली कांग्रेस, नेकपा एमाले, माओवादी केन्द्र र रास्वपाले प्यानलसहित उम्मेदवार खडा गरेका छन् । स्थानीय निर्वाचनको झल्को दिने गरी प्रतिस्पर्धा चर्किँदै गएको छ ।