लागूऔषध खैरो हिरोइनसहित १७ वर्षीय बालक पक्राउ

२०७७ चैत्र ६, शुक्रबार प्रकाशित (३ साल अघि) १०८५ पाठक संख्या

लागूऔषध नियन्त्रण ब्युरो वीरगञ्जको प्रहरी टोलीले पर्सामा १७ वर्षीय बालकलाई लागूऔषध खैरो हिरोइनसहित पक्राउ गरेको छ ।

बिहीवार साँझ पर्साको वीरगञ्ज महानगरपालिका–१४ पावर हाउस चोकमा १७ वर्षीय बालकमाथि शंका लागेर शरीर खानतलासी गर्दा ६ वटा सेतो प्लाष्टिकको पोकाभित्र लुकाइछिपाई ल्याएको लागूऔषध खैरो हिरोइन ३० ग्राम फेला परेको प्रहरीले जनाएको छ ।

लागूऔषध बरामदपछि उनलाई नियन्त्रणमा लिएर शुक्रवार पर्सा जिल्ला अदालतबाट ५ दिन म्याद थप गरी अनुसन्धान कार्य अगाडि बढाइएको प्रहरीले जनाएको छ ।